عادڵ محەمەدپور

1) ڕازوان و ڕانویس دوێ مێکانیزمێنێ پەی شیکاری زانستیی زوانی و تەوسیفوو یاساو فێرکاری. ئاسایین کە هەر زوانێوەیچ پەی وێش پۆلێو قاعێدێش بانە کە گێرە چنی زوانیتەری جیاوازیێوە دیمەنی و دلێنەییشا بۆ. ئی یاسا تایبه‌تیێ ئەگەر  بە کردە بەر بەیانێ و عادٚەت بە نویستەیش بکریۆنه، نە تەنیا سەخت و گرفت ساز و بشێوکاری نیا، بەڵکەم کۆتایێوەن بە پاشاگەردٚانی و شپرزەکاری و بە سەلیقەیی کەردٚەیش.

بە گردٚوو قابلییەتەکاوە: ئاواشناسی/phonotic ، واج شناسی/phonology ، ڕازوان/ grammer ، ماناشناسی/symantics ، کارکەردی زوانی و... سەلەمنانش کە " هورامی" زوانێو کامڵەن و تا ڕادێوە جیاوازەن جە زوانەکایتەری. ئی زوانە درێژ ماوێوەن جە دوێ دەراوێ "تاریخی(نویساری و درزمانی) و تەوسیفی(هام زمانی و ئیسەیینە) وێش نیشانە دان و دەقێش تاپۆ کریاینێ. پۆکەی کریۆ توخمەکێش بە ڕەوشێوە واقێعیانە، کەشف کریا و مێتێدۆلۆژی تایبێ ڕازوانی و ڕانویسیش پەی بنریۆرە...